Thennilavu | തേൻനിലാവ്.കോം | Marital Guidance Portal Marital Magazine for Malayalee Muslims from Nikah in Kerala Muslim Matrimony
ജാബിര്‍ (റ)വില്‍നിന്നുദ്ധരിക്കുന്നു.നബി(സ) പറഞ്ഞു: വിവാഹത്തിനുദ്ദേശിക്കുന്നവളെ ആ ലക്ഷ്യത്തിന് വേണ്ടി സാധിക്കുമെങ്കില്‍ കാണാവുന്നതാണ്.അങ്ങിനെ ഞാന്‍ ബനൂ സല്‍മ ഗോത്രത്തില്‍പ്പെട്ട ഒരു പെണ്‍കുട്ടിയെ വിവാഹാന്വേഷണം നടത്തി. ഒരു ഈത്തപ്പനമരത്തിന്റെ മുരട്ടില്‍ ഒളിഞ്ഞിരുന്നുകൊണ്ട് വിവാഹം ചെയ്യാന്‍ വേണ്ടി കാണുകയും ഞാന്‍ അവളെ വിവാഹം കഴിക്കുകയും ചെയ്തു. (അബൂ ദാവൂദ് 2:228, മുസ്‌നദ് അഹ്മ്മദ് 3;334).
സ്ത്രീ സാധാരണയായി വെളിവാക്കുന്ന ഭാഗങ്ങളെല്ലാം കാണാവുന്നതാണ്. ഇത് കാണുന്നത് അവളും കുടുംബവും അറിയാതെയും അവളുടെ സമ്മതം ഇല്ലാതെയും ആകാവുന്നതാണ്. അവള്‍ക്കും ഈ രീതി സ്വീകരിക്കുന്നതില്‍ തെറ്റില്ല. കണ്ടിട്ട് തൃപ്തിപ്പെട്ടില്ലെങ്കില്‍ അതിന്റെ കാരണം വെളിപ്പെടുത്താതിരിക്കുകയാണ് വേണ്ടത്. വിവാഹം, മുലകുടി, വംശം, ആദിയായ ബന്ധങ്ങളാല്‍ വിവാഹം കഴിക്കാന്‍ പാടില്ലാത്തവന് അവന്‍ പാപിയോ അമുസ്ലിമോ ആയിരുന്നാല്‍ പോലും വിവാഹ നിരോധനത്തില്‍ ഉള്‍പെട്ടവളെ കാണാവുന്നതാണ്.
