ഇസ്ലാമിക വിവാഹത്തിന് സ്ത്രിയുടെ മാത്രമല്ല പുരുഷന്റെയും സമ്മതം ഒരു നിബന്ധനയാണ്. പുരുഷന്റെ സമ്മതം നികാഹുമായി അവന് ഏര്പ്പെടല് കൊണ്ടു തന്നെ ലഭിക്കുന്നതാണ്. സ്ത്രിയുടെ സമ്മതമാകട്ടെ അത് തന്റെ രക്ഷിതാവിനെ ബോധ്യപ്പെടുത്തല് കൊണ്ട് മാത്രമേ ലഭിക്കുകയുള്ളൂ.
അബൂ ഹുറൈറയില് നിന്ന്, നബി(സ) പറഞ്ഞു: വിധവ കൂടിയാലോചനക്ക് ശേഷവും കന്യക അനുവാദത്തിന് ശേഷവുമല്ലാതെ വിവാഹം ചെയ്യപ്പെടാവതല്ല. അനുവാദം എങ്ങിനെയാണ് (ലഭിക്കുക) നബിയേ? നബി (സ)പറഞ്ഞു അത് അവളുടെ മൗനം കൊണ്ടായിരിക്കും. (ബുഖാരി നികാഹ് നമ്പര് 1536,മുസ്ലിം നികാഹ് 64, മുസ്നദ് 2:434). ഖന്സാഇനെ തന്റെ പിതാവ് രണ്ടാമത് വിവാഹം ചെയ്തു കൊടുത്തു. അതവര് വെറുത്തു. നബി(സ) യെ സമീപിച്ചപ്പോള് ആ വിവാഹം നബി (സ) ദുര്ബലപ്പെടുത്തി. (ബുഖാരി നികാഹ് നമ്പര് : 5138) മധുവിധു നടക്കുന്നതിന് മുമ്പ് മേല്പറഞ്ഞ സമ്മതത്തിന്റെ കാര്യത്തില് തര്ക്കിച്ചാല് അവിടെ വധുവിന്റെ വാക്ക് എന്താണോ അതിനായിരിക്കും പ്രാബല്യം. സംയോഗം മൂലം കന്യകത്വം നീങ്ങിയവളെ വ്യക്തമായ സമ്മതത്തോട് കൂടിയല്ലാതെ വിവാഹം ചെയ്ത് കൊടുക്കാന് പാടില്ല. സംയോഗം വ്യഭിചാര മാര്ഗ്ഗത്തില് സംഭവിച്ചതായാലും ശരി. (ഫത്ഹുല്മുഈന് – 3:302.)