മഹ്‌റിന്റെ അളവ് നിശ്ചയിക്കാതെ വിവാഹം ചെയ്തു. വീടു കൂടുന്നതിന്ന് മുമ്പെ ഭര്‍ത്താവ് മരിച്ചു. അവള്‍ക്കെന്താണ് ലഭിക്കുക?

ഇബ്‌നു മസ്ഊദിനോട് ഒരാള്‍ ചോദിച്ചതായി  ഇങ്ങിനെ വന്നിരിക്കുന്നു. മഹ്‌റ് നിര്‍ണ്ണയിക്കാതെ വിവാഹം  ചെയ്തു. വീടു കൂടുന്നതിന് മുമ്പേ ഭര്‍ത്താവ് മരണപ്പെടുകയും ചെയ്തു. (എന്താണ് അവള്‍ക്ക് ലഭിക്കുക) ഇബ്‌നു മസ്ഊദ് മറുപടി പറഞ്ഞു. കുറഞ്ഞുവെന്നോ ഏറിപ്പോയെന്നോ വരാത്ത നിലക്കുള്ളതും അവളെപ്പോലുള്ളവര്‍ക്കെന്ത് ലഭിക്കുമോ ആ നിലക്കുള്ളതും അവള്‍ക്ക്  ലഭിക്കേണ്ടതാണ്. അവള്‍ക്ക് ഇദ്ദയുണ്ട് (ഭര്‍ത്താവ് മരിച്ച) അനന്തരാവകാശവുമുണ്ടായിരിക്കും.  (അബൂദാവൂദ് 237, തുര്‍മുദി നികാഹ് നമ്പര്‍: 1145, നസാഈ 6:100 ഇബ്‌നുമാജ 1:609, മുസ്‌നദ് അഹ്മദ് 1: 447. നൈലുല്‍ അൗത്താര്‍ 6:318). വിവാഹ വേളയില്‍ നിശ്ചയിച്ച മഹ്‌റിന്റെ എണ്ണത്തെക്കുറിച്ച് വധൂവരന്‍മാര്‍ തമ്മില്‍ തര്‍ക്കിച്ചാല്‍ അവര്‍ അന്യോന്യം  സത്യം ചെയ്യേണ്ടതാകുന്നു. അപ്പോള്‍ നിശ്ചയിച്ച മഹ്‌റ്  ദുര്‍ബലപ്പെടുകയും തുല്യ മഹ്‌റ് സ്ഥിരപ്പെടുകയും ചെയ്യും. (ഫത്ഹുല്‍ മുഈന്‍ 3:345).