അവിശ്വാസികളില് നിന്ന് ഇസ്ലാമിലേക്ക് വരുന്ന ഭാര്യാ ഭര്ത്താക്കള് അവരുടെ പഴയ ആചാര ക്രമങ്ങളനുസരിച്ച് നടത്തിയിട്ടുള്ള വിവാഹ ബന്ധങ്ങള് ഇസ്ലാമിലും അതേപടി തുടര്ന്ന് പോകുവാന് അനുവാദമുണ്ട്. (അമാനി മൗലവി പരിഭാഷ 3:59) ഇബ്നു അബ്ബാസില് നിന്ന്: നബി (സ) തന്റെ മകള് സൈനബയെ അബുല് ആസിക്ക് ആദ്യ നികാഹില് തന്നെ തിരിച്ചു കൊടുത്തു. പുതിയതായി മഹ്റും ഈടാക്കിയില്ല. സൈനബ് ഇസ്ലാം ആശ്ലേഷിച്ചിട്ട് അപ്പോഴേക്കും രണ്ട് വര്ഷം കഴിഞ്ഞിട്ടുണ്ടായിരുന്നു. (അഹ്മദ്, അബുദാ- നൈനുല്അൗത്താര് 6:304).
ദമ്പതിമാര് ഒന്നിച്ച് മുസ്ലിംങ്ങളായി മാറിയാല് പിന്നെ നികാഹിനെ പുതുക്കേണ്ടതില്ല എന്നാണ് മാലിക്ക്, അഹ്മദ്, ശാഫിഈ, ദാവൂദ്(റ) തുടങ്ങിയവരെല്ലാം പറഞ്ഞിട്ടുള്ളത്. (സുബുലുസ്സലാം 3:183, ഫിക്ഹുസ്സുന്ന 2:564). വലീദ്ബ്നു മുഗീറയുടെ മകള് ആതിക മുസ്ലിമായി ആറ് മാസം കഴിഞ്ഞാണ് ഭര്ത്താവ് സഫ്വാന് മുസ്ലിമായത്. നബി(സ) അവരുടെ ആദ്യത്തെ നികാഹിനെ അംഗികരിക്കുകയാണുണ്ടായത്. (മുവത്ത്വ- നികാഹ് നമ്പര് 44,45) ആരാണ് ആദ്യം മുസ്ലിമായത് എന്ന് നോക്കേണ്ടതില്ല. നികാഹ് നിലനില്ക്കും എന്നാണ് ഇമാം ശാഫിഈ(റ) പറഞ്ഞത് (ബിദായ: 2:37).