സുന്നിയ്യ, ബിദഇയ്യ എന്നിങ്ങനെ ത്വലാഖിനെ വിഭജിച്ചത് എന്ത് കൊണ്ട്?

സംയോഗം നടന്നിട്ടില്ലാത്ത ശുദ്ധികാലത്ത്  ഒറ്റത്തവണയായിക്കൊണ്ട്  നടക്കുന്ന ത്വലാഖ് , ഇതാണ്  സുന്നിയ്യായ  ത്വലാഖ്  എന്നത് കൊണ്ട്  ഉദ്ദേശിക്കുന്നത്. ഗര്‍ഭിണിയുടെയും ഋതു രക്തം നിലച്ചവളുടെയും ചെറിയ  പെണ്‍കുട്ടിയുടെയും ത്വലാഖ്  ഇതില്‍ ഉള്‍പ്പെടുന്നതാണ്.ആര്‍ത്തവ  കാലത്തോ സംയോഗം നടന്നിട്ടുള്ള ശുദ്ധി കാലത്തോ നടന്നതും മൂന്ന് ത്വലാഖ് ഒന്നിച്ച് ചൊല്ലുന്നതുമായ ത്വലാഖുകള്‍ ആണ് ബിദഇയ്യായ ത്വലാഖ് കൊണ്ട് അര്‍ത്ഥമാക്കുന്നത്. ഇവ നിഷിദ്ധമാണെന്നും അങ്ങിനെ ചെയ്തവന്‍ കുറ്റക്കാരനാകുമെന്നും പണ്ഡിതന്മാര്‍ വ്യക്തമാക്കിയതാണ്.