വിവാഹവേളയില്‍ എന്റെ ഇന്ന കുട്ടിയെ എന്നിങ്ങിനെ വലിയ്യ് നിര്‍ണയിച്ച് പറയേണ്ടതുണ്ടോ?

ഒന്നിലധികം  പെണ്‍മക്കളുള്ള വലിയ്യാണെങ്കില്‍ എന്റെ ഇന്ന മകളെ എന്ന് പറഞ്ഞുകൊണ്ട് വ്യക്തമാക്കണം. അഹ്മദ് (റ) ഒരു സംഭവം പറയുകയുണ്ടായി. ഒരാള്‍ ഒരു പെണ്‍കുട്ടിയെ വിവാഹം ആലോചിച്ചു. പക്ഷെ അവളുടെ സഹോദരിയെയായിരുന്നു അയാള്‍ക്ക് വിവാഹം ചെയ്ത് കിട്ടിയത്. താമസിയാതെ അത് പുറത്തു വന്നു. അവര്‍ വേര്‍പിരിയേണ്ടതും മഹ്‌റിന്റെ ഉത്തരവാദിത്വം രക്ഷിതാവില്‍ നിക്ഷിപ്തവുമായിരിക്കും. കാരണം അയാള്‍ അവനെ വഞ്ചിച്ചിരിക്കുന്നു. അവളുടെ  ഇദ്ദ: കഴിഞ്ഞ ശേഷം  പുതിയ ചടങ്ങിലൂടെ  സഹോദരിയെ ആദ്യ മഹ്‌റ് കൊണ്ട്  തന്നെ  വിവാഹം കഴിക്കാന്‍ സൗകര്യപ്പെടുത്തേണ്ടതുമാണ്. രണ്ട് സഹോദരിമാര്‍ ഒരുമിച്ച്  കൂട്ടപ്പെടാന്‍ പാടില്ലെന്നതുകൊണ്ടാണ് ഇദ്ദ:യുടെ  കാര്യം  പ്രത്യേകം ഗൗനിക്കേണ്ടി  വരുന്നത്.