വിവാഹസദ്യ എത്ര കണ്ട് വലുതാക്കാം?

വിവാഹ സദ്യ എത്ര  കണ്ട്  വലുതാക്കിക്കൊണ്ടും  എത്ര ചെറുതാക്കിക്കൊണ്ടും നടത്താവുന്നതാണ്. ഇതിന് പണ്ഡിതന്‍മാരുടെ  ഏകോപിച്ച അഭിപ്രായമുണ്ട്. അനസ് (റ) പറഞ്ഞു. നബി(സ) നടത്തിയ വലീമത്തിലേക്ക്  ആളെ ക്ഷണിക്കാന്‍ എന്നെ പറഞ്ഞയച്ചിരുന്നു. പത്തിരിയും ഇറച്ചിയും വേണ്ടുവോളം അവര്‍ കഴിക്കുകയും  ചെയ്തിരുന്നു. (ഇബ്‌നു മാജ നികാഹ് ബാബുല്‍ അൗലമ, മുസ്ലിം നികാഹ് 91). മുജാഹിദ്(റ) പ്രസ്താവിച്ചതായി ഇങ്ങനെ നിവേദനം  ചെയ്യപ്പെട്ടിരിക്കുന്നു. അല്ലാഹുവിനെ അനുസരിക്കുന്ന വിഷയത്തില്‍  അബു ഖുബൈസ് മലയോളം സ്വര്‍ണ്ണം  ചിലവഴിച്ചാലും  അത് അമിത വ്യയമല്ല. അല്ലാഹുവിനോട് അനുസരണക്കേട് കാണിക്കുന്ന കാര്യത്തില്‍ ഒരു സേര്‍ (ധാന്യം) ചിലവഴിച്ചാലും  അത് അമിത വ്യയമാകുന്നു. (അമാനി മൗലവി പരിഭാഷ, വാള്യം 3, പേ.2286).