അറ സമ്പ്രദായമുണ്ടല്ലോ, അതിനോടുള്ള മതത്തിന്റെ കാഴചപ്പാടെന്താണ്?

ചില പ്രദേശങ്ങളില്‍ മാത്രമുള്ളൊരു സമ്പ്രദായമാണിത്. വധുവിന്റെ വീട്ടില്‍ വരന് വേണ്ടി ഒരുക്കുന്ന ഈ മണിയറ വധുവിന് കൂടുതല്‍ ആഹ്ലാദം പകരുവാന്‍ ഉതകുമെന്ന് പറയപ്പെടുന്നു. അലി(റ) വില്‍ നിന്നുദ്ധരിക്കുന്നു. നബി(സ) ഫാതിമ(റ)ക്ക് രോമത്തിന്റെ വസ്ത്രവും തോല്‍പാത്രവും പുല്ല് നിറച്ചൊരു തലയണയും ഒരുക്കികൊടുത്തിരുന്നു. (നസാഈ നികാഹ് 1:84,93). എന്നാല്‍ ഇസ്ലാമിന്റെ കാഴ്ചപ്പാടില്‍ ഇത്തരം എല്ലാ ഒരുക്കങ്ങളും നടത്തേണ്ടത് ഭര്‍ത്താവും ബന്ധുക്കളുമാണ്. ഭാര്യക്ക് അതില്‍ യാതൊരു ഉത്തരവാദിത്വവും ഇല്ല. എങ്കിലും ഭാര്യയുടെ ഒരുക്കങ്ങളെ അനുഭവിക്കുന്നതിനു വിരോധമില്ല. പക്ഷേ ഭര്‍ത്താവിന്റെ മരണം വരെ അറ ജീവിതം നയിക്കുന്ന പുതിയാപ്ല സമ്പ്രദായം നിരുത്സാഹപ്പെടുത്തേണ്ടത് തന്നെയാണ്.