അത്ത്വലാഖു മര്‍റതാനി (വിവാഹ മോചനം രണ്ട് പ്രാവശ്യമാണ്). പിന്നെ അതെങ്ങിനെ മൂന്നെണ്ണമായി?

വിശുദ്ധ ഖുര്‍ആനില്‍ 2:229 -ാം  വചനമായ  അത്ത്വലാഖു മര്‍റതാനി എന്നതിന്റെ അര്‍ത്ഥം  ത്വലാഖ്  രണ്ടെണ്ണമാണ്  എന്നല്ല. ത്വലാഖ് രണ്ട് പ്രാവശ്യമാണ് എന്നത്രെ. രണ്ടു പ്രാവശ്യമേ ഒരു ഭാര്യയെ  ത്വലാഖ്  ചൊല്ലാവൂ എന്നുമല്ല. ഓരോ ത്വലാഖും വെവ്വേറെ സന്ദര്‍ഭത്തിലായിരിക്കണം എന്നും ഒന്നാം  ത്വലാഖിന്റെ ഇദ്ദ: കഴിയുന്നതിന്റെ മുമ്പ് അവളെ മടക്കിയെടുക്കാം എന്നുമാകുന്നു. രണ്ടാം  പ്രാവശ്യത്തെ ത്വലാഖിന്റെ ഇദ്ദ:കഴിയുന്നതിന്റെ മുമ്പും അവളെ മടക്കിയെടുക്കാം. അങ്ങനെ ഇദ്ദ: കാലത്ത്  മടക്കിയെടുക്കാന്‍ അനുവാദമുള്ളത് ഒന്നാമത്തെയും രണ്ടാമത്തെയും ത്വലാഖുകളില്‍ മാത്രമാണ് എന്ന് പഠിപ്പിക്കുകയാണ് മേല്‍പ്പറഞ്ഞ സൂക്തം  ചെയ്യുന്നത്.