ലിആന്‍ കാരണം പിരിച്ചയക്കപ്പെട്ടാല്‍ മഹ്‌റ് തിരിച്ച് വാങ്ങാമോ?

രണ്ട് പേരും ബുദ്ധിയുള്ളവരും പ്രായപൂര്‍ത്തി എത്തിയവരും ലിആന്‍ നടത്തുന്നതില്‍ ഇടപെടാന്‍ ഒരു വിധികര്‍ത്താവ് സന്നിഹിതനാവുകയും ചെയ്ത് കൊണ്ട് പിരിച്ചയക്കപ്പെട്ടാല്‍ സാധാരണ വിവാഹ മോചനത്തിലുണ്ടാകുന്ന സാമ്പത്തികമായ യാതൊരു അവകാശവും അവശേഷിക്കുകയില്ല. മഹ്‌റ് തിരിച്ച് വാങ്ങാന്‍ ഭര്‍ത്താവിനോ ഇദ്ദ:കാലത്ത് കിട്ടുമായിരുന്ന ആനുകൂല്യങ്ങള്‍ അവകാശപ്പെടാന്‍ ഭാര്യക്കോ പറ്റുകയില്ല. ഇബ്‌നു ഉമറില്‍ നിന്ന്- നബി(സ): നിനക്ക് സമ്പത്തൊന്നും ലഭിക്കുകയില്ല. നീ കൊടുത്ത വിവാഹ മൂല്യം കൊണ്ട് അവളുടെ ഗുഹ്യ സ്ഥാനത്തെ നീ അനുവദനീയമാക്കിയല്ലോ, അവളെ സംബന്ധിച്ച് നീ പറഞ്ഞത് കളവാണെങ്കിലോ ആ സ്വത്ത് നിനക്ക് ഒന്നുകൂടി അകലുകയാണല്ലോ ചെയ്യുക (ബുഖാരി- ത്വലാഖ്: 5312, മുസ്‌ലിം ലിആന്‍ നമ്പര്‍: 5).