Thennilavu | തേൻനിലാവ്.കോം | Marital Guidance Portal Marital Magazine for Malayalee Muslims from Nikah in Kerala Muslim Matrimony
നബി (സ) പറഞ്ഞു: കച്ചവടം പറഞ്ഞു കൊണ്ടിരിക്കുന്നതിന്റെ മേല്‍ മറ്റൊരുത്തന്‍ കച്ചവടം നടത്തരുത്. വിവാഹാലോചനനടത്തിക്കൊണ്ടിരിക്കെ അവളെ മറ്റൊരാള്‍ വിവാഹാലോചന നടത്തരുത്. ആദ്യത്തവന്‍ അതില്‍ നിന്ന് ഒഴിഞ്ഞ് പോവുകയോ അല്ലങ്കില്‍ അവന്റെ അനുവാദം കിട്ടിയ ശേഷമോ അല്ലാതെ (ബുഖാരി നികാഹ് നമ്പര്‍ :5142. മുസ്ലിം നികാഹ് 1412).
സ്ത്രീ നാല് കാര്യങ്ങള്‍ക്ക് വേണ്ടി വിവാഹം ചെയ്യപ്പെടുന്നു – ധനം, തറവാട്, സൗന്ദര്യം, ദീന്‍ ഇതില്‍ ദീനുള്ളവളെ നീ തിരഞ്ഞെടുക്കുക. നിന്റെ കൈ മണ്ണ് പുരളേണ്ടി വന്നാലും (ബുഖാരി നികാഹ് 5090, മുസ്ലിം കിതാബുറ്‌റളാഅ് 1466). നാട്ടില്‍ നടന്നുവരുന്ന വിവാഹങ്ങളുടെ സ്വഭാവം പറഞ്ഞ ശേഷം നാലാമത്തെ ലക്ഷ്യമായിപറഞ്ഞ ദീനുള്ളവളെ അഥവാ-ധാര്‍മിക സ്വഭാവമുള്ളവളെയാണ് തന്റേടമുള്ളവര്‍ തിരഞ്ഞെടുക്കേണ്ടതെന്ന് നബി (സ) പഠിപ്പിച്ചു.
മരണത്താലോ ത്വലാഖിനാലോ ഇദ്ദ: ആചരിക്കുന്നവളെ വിവാഹന്വേഷണം നടത്തി, പക്ഷെ വിവാഹം നടന്നത് ഇദ്ദ: അവസാനിച്ചതിനുശേഷമാണ്, എങ്കില്‍പോലും ഈ ബന്ധം ദുര്‍ബലപ്പെട്ട് പോകുമെന്നാണ് ഇമാം മാലിക് (റ) പറഞ്ഞത്. തെറ്റാണ് ചെയ്തതെങ്കിലും വിവാഹം ദുര്‍ബലപ്പെടുന്നതല്ലെന്നാണ് ഇമാം ശാഫിഈ (റ)പറഞ്ഞത്. (ഫിക്ഹുസ്സുന്ന: 2345). ഉസ്മാനുബ്‌നു അഫാന്‍ (റ) വില്‍ നിന്ന്, നബി (സ) പറഞ്ഞു: ഇഹ്‌റാമില്‍ നിലകൊള്ളുന്നവന് വിവാഹം ചെയ്യാനോ, ചെയ്ത് കൊടുക്കാനോ, വിവാഹാന്വേഷണമോ പാടില്ല. (മുസ്ലിം – നികാഹ്, നമ്പര്‍ 1031,1032)
