മനസ്സും മനസ്സും ചേര്ന്ന് കൊണ്ടുള്ളൊരു ബന്ധമാണ് വിവാഹം കൊണ്ടുണ്ടാകേണ്ടത്. ജാബിറുബ്നു അബ്ദില്ല (റ) ഒരു വിധവയെ വിവാഹം ചെയ്തു. നബി (സ) അതറിഞ്ഞപ്പോള് അദ്ദേഹത്തോട് ചോദിച്ചു. നിനക്കൊരു കന്യകയെ വിവാഹം ചെയ്തുകൂടായിരുന്നോ- എന്നാല് നിങ്ങള്ക്ക് പരസ്പരം കൊഞ്ചിക്കളിക്കാമായിരുന്നല്ലോ? (ബുഖാരി ബാബുസ്സയ്യിബാത്ത് 5079. മുസ്ലിം കിതാബു ന്നികാഹ് 55-56).
കന്യകയാകുമ്പോള് ഇണയോടുള്ള സ്നേഹബന്ധം ശക്തിപ്പെട്ടിരിക്കും. അതേ സമയം വീടും അതിലെ അംഗങ്ങളും കൂടുതല് പരിപാലിക്കപ്പെടാനുള്ള കഴിവും തന്റേടവും വിധവയിലായിരിക്കും കാണപ്പെടുക. അത്തരം സന്ദര്ഭത്തിലായിരുന്നു ജാബിര് (റ) വിധവാ വിവാഹത്തിന് പ്രേരിതനായത്.