മടക്കിയെടുക്കാവുന്ന ത്വലാഖില്‍ കഴിയുന്ന ഭാര്യയുമായുള്ള ഭര്‍ത്താവിന്റെ ബന്ധം?

അത്തരം ഭാര്യമാരുടെ  സേവനങ്ങളെ  അനുഭവിക്കുന്നതിനു  ഭര്‍ത്താവിനു തെറ്റില്ല. വേര്‍പാടിനു കാരണമാക്കിയ  ത്വലാഖ് അവന്റെ ഭാഗത്ത് നിന്നാണുണ്ടായതെങ്കിലും  ശരി, ഇദ്ദയിലിരുക്കുന്ന കാലത്തേക്ക്  മാത്രമാണ്  ഈ  ആനുകൂല്യം അനുവദിക്കപ്പെട്ടത്. ഈ കാലയളവില്‍ അവര്‍ രണ്ട് പേരില്‍ ആര്  മരണപ്പെട്ടാലും അനന്തരാവകാശം  നല്‍കപ്പെടണം. ആ കാലയളവില്‍ അവളുടെ  ചിലവ്  അവന്‍  വഹിക്കേണ്ടതുമാണ്. വീണ്ടും  അവളെ ഭാര്യയായി സ്വീകരിക്കാന്‍ മറ്റാരെക്കാളും അവകാശപ്പെട്ടവനും അവന്‍ തന്നെയാണ്. ത്വലാഖിലെന്നപോലെ  ളിഹാറിലും ഈലാഇലും ഇതേ  രീതിയാണ് പിന്തുടരേണ്ടത്. (ഫിക്ഹുസ്സുന്ന 3:40) ളിഹാറ്, ഈലാഅ്  വിവരണം ചോദ്യം നമ്പര്‍ 41, 48 -ല്‍ വരുന്നുണ്ട്.)