ഭാര്യയുടെ അശുദ്ധി കാലത്ത് അവളെ ത്വലാഖ് ചൊല്ലിക്കൂടെന്ന് പറയുന്നു. ശരിയാണോ?

ഇബ്‌നു ഉമറി(റ)ല്‍ നിന്ന്: അദ്ദേഹം  ഭാര്യയെ  അശുദ്ധിയുടെ  കാലത്ത്  ത്വലാഖ് ചൊല്ലി. ഇതിനെക്കുറിച്ച്   ഉമര്‍ (റ) നബി(സ) യോട്  ചോദിച്ചു – അപ്പോള്‍ ഇബ്‌നു  ഉമറിനോട്  പറയാനായി  ഉമര്‍ (റ) നെ ഏല്‍പ്പിച്ചു. അവളെ  തിരിച്ചെടുക്കാന്‍,  പിന്നീട്  ശുദ്ധിയുടെ സമയത്ത്  അവളെ ഒഴിവാക്കുകയും ഒരിക്കല്‍കൂടി  അശുദ്ധിയും പിന്നെ ശുദ്ധിയും വന്ന ശേഷം അവളെ നില നിര്‍ത്തണോ  പിരിച്ചയക്കണോ എന്ന് തീരുമാനിക്കുകയും ചെയ്യട്ടെ – ഒഴിവാക്കുന്ന പക്ഷം അത് ഈ ശുദ്ധിയുടെ സമയത്തായിരിക്കണം. ഇതാണ് ത്വലാഖ്  ചൊല്ലപ്പെട്ടവളുടെ  അല്ലാഹു  (ത) കല്‍പ്പിച്ച രീതിയിലുള്ള ഇദ്ദ; (ബുഖാരി ത്വലാഖ് 5251,മുസ്ലിം ത്വലാഖ് 1, മുസ്‌നദ് അഹ്മദ് 2:43). ത്വലാഖ് നടന്ന ശുദ്ധികാലം ഒരെണ്ണമായി കണക്കാക്കുമ്പോള്‍  പിന്നീട് രണ്ട് ആര്‍ത്തവം കഴിഞ്ഞ് മൂന്നാമത്തെ ശുദ്ധിയില്‍ പ്രവേശിക്കുന്നതോടെ മൂന്ന് ഇദ്ദ:യുടെ എണ്ണം  പൂര്‍ത്തിയായിക്കഴിഞ്ഞു.