25-Mar-2017
SPECIALS
Home / ചോദ്യോത്തരങ്ങൾ / ഭാര്യക്ക് ചിലവ് കൊടുക്കാതിരിക്കുന്നത് അവരെ തമ്മില്‍ പിരിച്ച് വിടാന്‍ കാരണമാക്കാമോ?

ഭാര്യക്ക് ചിലവ് കൊടുക്കാതിരിക്കുന്നത് അവരെ തമ്മില്‍ പിരിച്ച് വിടാന്‍ കാരണമാക്കാമോ?

cashഒന്നുകില്‍ മര്യാദയനുസരിച്ച് കൂടെ നിര്‍ത്തുകയോ അല്ലെങ്കില്‍ നല്ല നിലയില്‍ പിരിച്ചയക്കുകയോ ആണ് വേണ്ടത്. (ഖുര്‍ആന്‍: 2:229). ദ്രോഹിക്കുവാന്‍ വേണ്ടി അന്യായമായി നിങ്ങളവരെ പിടിച്ച് നിര്‍ത്തരുത്. (ഖുര്‍ആന്‍ 2: 231). ഭാര്യക്ക് അത്യാവശ്യമായത് നല്‍കാതിരിക്കുന്നതിനേക്കാള്‍ വലിയ ദ്രോഹം മറ്റെന്താണുള്ളത്. ഈ പശ്ചാതലത്തില്‍ തീര്‍ച്ചയായും വേണ്ടപ്പെട്ടവര്‍ ഇടപെടണം. കഴിവുണ്ടായിട്ടും ഭാര്യയുടെ ആവശ്യങ്ങള്‍ നിറവേറ്റി കൊടുക്കുന്നില്ലെങ്കില്‍ അത് ഏറ്റവും വലിയ ദ്രോഹവും ഭര്‍ത്താവിന്റെ കഴിവുകേടുമായിട്ടേ കണക്കാക്കൂ-

അവളുടെ ആവശ്യപ്രകാരം ഖാളി വിഷയത്തില്‍ ഇടപെടുകയും അത് ഈടാക്കിക്കൊടുക്കാന്‍ കഴിയാതെ വന്നാല്‍ അവരെ വേര്‍പിരിക്കുകയും ചെയ്യാവുന്നതാണ്. ശാഫിഈ, അഹ്മദ്, മാലിക് (റ) തുടങ്ങിയവര്‍ ഈ പക്ഷത്താണുള്ളത്. (ഫിക്ഹുസ്സുന്ന 3:54) ഒരുമിച്ച് ജീവിക്കാന്‍ കഴിയാത്തത്ര പീഢനങ്ങള്‍ ഏല്‍ക്കേണ്ടി വന്നാലും വിവാഹ മോചനം നടത്താമെന്ന് മാലിക്, അഹ്മദ് (റ) എന്നിവര്‍ അഭിപ്രായപ്പെടുമ്പോള്‍ അബൂഹനീഫ, ശാഫിഈ (റ) യും അത് ത്വലാഖിന് കാരണമാകുകയില്ലെന്നാണ് പറയുന്നത്.