കുട്ടികളെ ദത്തെടുക്കുന്നതും അവര്‍ അനന്തരാവകാശികളായിത്തീരുന്നതും ശരിയാണോ?

ദത്ത് പുത്രന്മാര്‍ക്ക് യഥാര്‍ത്ഥ പുത്രന്മാരുടെ സ്ഥാനം കല്‍പ്പിക്കപ്പെടുന്ന പതിവ് ജാഹിലിയ്യാ കാലത്തുണ്ടായിരുന്നു. പക്ഷെ ആ സമ്പ്രദായത്തെ ഇസ്ലാം പിന്നീട് നിരോധിച്ചിരിക്കുകയാണ്. (അമാനി മൗലവി പരിഭാഷ 3: 63) നിങ്ങളുടെ ദത്തു പുത്രന്മാരെ അവന്‍ നിങ്ങളുടെ പുത്രന്മാരാക്കുകയും ചെയ്തിട്ടില്ല. അതൊക്കെ നിങ്ങളുടെ വായ കൊണ്ടുള്ള വാക്കുകളെത്രെ (ഖുര്‍ആന്‍ 33:4) പോറ്റു മക്കള്‍ക്ക് യഥാര്‍ത്ഥ മക്കളുടെ നിയമം ബാധകമല്ലെന്നത്രെ ഇത് പഠിപ്പിക്കുന്നത്. അവര്‍ അനന്തരാവകാശികളാകുന്നുമില്ല. പോറ്റുമക്കളെ സ്വീകരിക്കുന്നതിനേയും അവരെ മക്കളെപ്പോലെ സ്‌നേഹിച്ചു വളര്‍ത്തുന്നതിനെയും ആ ഖുര്‍ആന്‍ വചനം വിരോധിക്കുന്നില്ലതാനും…. അവരെ അവരുടെ പിതാവിലേക്ക് ചേര്‍ത്ത് വിളിച്ച്‌കൊള്ളുവിന്‍. അതത്രെ അല്ലാഹുവിങ്കല്‍ ഏറ്റവും നീതിയായിട്ടുള്ളത് (ഖുര്‍ആന്‍ 33:5).